Bloggfærslur mánaðarins, október 2009

Að hafa nákvæmlega alla þessa kosti til að bera

 Þetta Selfossmál er með því allra leiðinlegasta sem dunið hefur á kirkjunni undanfarin ár. Hvers vegna þarf kirkjan að ganga í gegnum einhvers konar kynferðisleg þukl-mál í annað sinn á bara nokkuð stuttum tíma? Þvílík hörmung að þurfa að horfa upp á þetta í fjölmiðlum. Alveg ferlegt hvað þetta mál er erfitt, vandasamt og ætlar engan endi að taka.   Einum of viðkvæmt mál til þess að ég fari að kafa ofan í það hér eða leggja á það eitthvað sérstakt mat.  Samt eru nokkur atriði svona almennt séð sem vert er að draga fram.

Það er ekki of sögum sagt að gerðar séu miklar kröfur til presta. Þeir eiga að vera með háan siðferðisþröskuld, elskulegir, vinalegir, góðhjartaðir, vel menntaðir í guðs orði, góðir ræðumenn, góðir kennimenn, koma vel fyrir, þægilegir í viðmóti og kurteisir líka. Eða finnst þér ekki? Því miður þá er enginn prestur til á Íslandi sem hefur alveg nákvæmlega alla þessa kosti og það á öllum stundum.  En sumir eru þessu þó kannski ekki fjarri.

Hvað um það. Blessaðir prestarnir eiga það líka til, að verða þreyttir, pirraðir, svo dónalegir að kórinn í kirkjunni á skilið afsökunarbeiðni, veigra sér við að heilsa fólki vegna þess að þeir líta niður á það, skamma fólk heiftarlega fyrir litlar sem engar sakir, keyra framhjá konum sem dottið hafa á svellinu, hatast við aðra, átta sig ekkert á lítilsvirðandi ummælum sjálfs sín um viðstadda, flytja innihaldslausar prédikanir sunnudag eftir sunnudag, viðurkenna ekki eigin mistök, finnast þeir vera merkilegri en annað fólk og vilja engan veginn bjóðast til þess að reyna að leysa vandann.  Prestar eru jú mannlegir eins og aðrir en við viljum vissulega gera kröfur til þess að þeir séu ekki á þvílíku kuldalegu plani.  

Sem betur fer eru líka til góðir menn í þessari stétt sem eru henni til sóma, velviljaðir og elskulegir. En menn verða samt að gæta sín. Maður í prests-starfi getur ekki leyft sér hvað sem er og það er vont ef menn eru að fara fyrir dóm útaf hugsanlegum siðferðisbresti.  Einhver vafi um siðferði passar illa manni í prestshlutverki. Það er bara þannig.  

 


mbl.is Hörð gagnrýni á biskupinn
Tilkynna um óviðeigandi tengingu við frétt

...sem og líf okkar allra, eitt andvarp eða ...

 ....og kreppan er eins og prump í eilífðinni sem og líf okkar allra, eitt stundarandvarp eða smáblóm sem deyr.  Að nota þetta orð "prump" finnst mér ekki alveg nógu smekklegt. Eitthvað annað orð hefði verið betra  eins og andvarp í eilífðinni eða eitthvað þannig.  Til hamingju samt Anna Pála, svo virðist vera sem þú hafir náð eyrum fólks með krassandi orðavali. Kannski var takmarki þínu helst náð þannig. En að ógleymdu miðað við samhengi ræðunnar þá má ekki líta fram  hjá þeirri staðreynd að hræðilegar loftslagsbreytingar í framtíðinni geta orðið okkur verulega þungar í skauti, enn verri en kreppan núna og það þarf að bregðast við gagnvart því. Hverjir hafa samt þrek eða döngun einmitt núna til þess að velta sér upp úr slíku, á þessum síðustu og verstu móðurharðindakrepputímum!?  Það verður einhver allavega að gera.


mbl.is Kreppan eins og prump í eilífðinni
Tilkynna um óviðeigandi tengingu við frétt

Höfundur

Þórður Guðmundsson

Þórður Guðmundsson þroskaþjálfi

Nýjustu myndir

  • bill cosby 620x480 cemrf
  • ATI-lower-review-polymer
  • ATI-lower-review-polymer
  • download JFK
  • Aretrov

Heimsóknir

Flettingar

  • Í dag (19.3.): 0
  • Sl. sólarhring:
  • Sl. viku:
  • Frá upphafi: 0

Annað

  • Innlit í dag: 0
  • Innlit sl. viku:
  • Gestir í dag: 0
  • IP-tölur í dag: 0

Uppfært á 3 mín. fresti.
Skýringar

Innskráning

Ath. Vinsamlegast kveikið á Javascript til að hefja innskráningu.

Hafðu samband