Ræðumaðurinn Obama

 

Það var einkar athyglisvert að fylgjast með Barrack Obama í gær meðan hann hélt ræðu sína við Þinghúsið í Washington.  Eitt af því sem vakti athygli var að hann var alveg óbundinn af pappír. Ræðan virtist ekki á neinn hátt vera skrifuð frá orði til orðs né heldur virtist hann horfa í neina textavél.  

Obama var öruggur í ræðustól og notaði hendurnar lítið til áherslu en náði alveg til fjöldans. Samt var þetta engin stjörnuræða.  Þessi ræða var nokkuð löng en ekkert afgerandi nýtt í henni. Líklega höfum við þarna góðan ræðumann og betri ræðumann en Bush nokkurn tíma. Spennandi verður bara að sjá hvernig hann reynist sem forseti.  

Athugasemdir

[Baldur Gautur Baldursson, 22.1.2009 kl. 18:50]

Vonandi mun honum ganga vel, Bandaríkin og heimurinn allur þarf vitra stjórnmálamenn. Nú er greinilega skortur á þeim. Svo þegar góðir menn/konur gefa sig fram, eigum við með fegins hendi að taka við þeim og veita brautargengi.

[Þórður (IP-tala skráð) 23.1.2009 kl. 21:36]

Já segðu Baldur. Maðurinn byrjar strax á því að láta loka Guantanamo og leynifangelsum Bush áranna. Góð byrjun.