16.000 manns í salnum, ungur prédikari og enginn kross á sviðinu!

60 mínútur sýndi í gær frétt þar sem fjallað var um prédikarann Joel Osteen. Hann er að mörgu leyti athyglisverður.  Salurinn hans er í Houston og er fyrrverandi körfuboltavöllur sem rúmar um 16000 manns. Svo er sjónvarpað frá samkomum  hans og á þær horfa nokkrar milljónir.  Boðskapurinn? Jú hann er í formi þess sem kallað hefur verið prosperity message.  Sá boðskapur er þannig að þeir sem hafa fundið endurlausn fyrir tilstilli kristinnar trúar, fái í staðinn auð og ríkidæmi.

Hvað með fólk sem býður og biður og fær aldrei neitt? Osteen var spurður að því. Jú, hann sagðist hjálpa fólki til þess að komast með jákvæðu hugarfari í gegnum erfiðleikana í lífinu. Svo vildi hann einfalda boðskapinn eins mikið og hægt væri.  Sykurpúða-guðfræði hefur guðfræði hans verið kölluð. Sérstaklega vegna þess að hann er ekkert að fjalla um synd, þjáningu eða dóm. Það er allt svo ofsalega jákvætt einhvernveginn  og ef þú elskar Guð og ef Guð elskar þig á móti, þá muntu bera mikinn ávöxt og blómstra. Einhverjum kann að finnast þetta einum of einfalt. Þannig er bara þessi boðskapur. Hann er ekkert flókinn og á bara heima í Bandaríkjunum (kannski í Kanada líka). Merkilegt hvað mönnum tekst síðan að fylla heilu fótboltavellina með jafn einföldum boðskap. Já, já, svo stórgræða menn á þessu og það veit enginn hversu gróðinn er mikill. Trúarstofnanir í Bandaríkjunum eru víst alveg lausar við skattayfirvöld og það þarf ekkert að gefa neitt upp. 

Aumingja blessuð litlu börnin í Afríku... 

 

Athugasemdir

[Aðalheiður Ámundadóttir, 23.6.2008 kl. 15:03]

En bíddu við, hvurning græða þessir dúddar? Þarf ég að borga inn til að fá upplýsingar um að guðinn í mínu hjarta elski mig á móti ef ég elska hann? 

Væri það ekki álíka heimskulegt og hringja í rafvirkja og borga honum fyrir að koma heim til mín til að prufa að kveikja á sjónvarpinu til að sjá hvort það virki? 

[Þórður Guðmundsson, 23.6.2008 kl. 18:37]

Það kemur inn fé fyrir tilstilli sjónvarpsútsendinga. Efnið er síðan selt til fleiri landa. Svo eru samskotabaukar látnir ganga á milli fólks á hverri samkomu. Margir borga tíund til safnaðarins. Samanlagður gróði nemur fleiri milljónum dollara í hverjum mánuði. Það er aftur á móti ókeypis inn.

[Baldur Gautur Baldursson, 24.6.2008 kl. 17:58]

Allt snýst þetta jú um auglýsinga tekjur og svo hefur sennilega þessi gaur gefið út helling af bókum og pésum eins og gjarnt er um þá sem vilja ná inn tekjum í þessum trúarbransa. Svo eru ógleymdar tekjur af netsíðum og auglýsingum þar, gjöfum til nefnds trúarleiðtoga og inngöngueyrir fólksins sem hefur tapað von sinni og margir gestanna hafa gengið í gegnum helvíti í sínu lífi og trúa hverju sem er til sáluhjálpar sinnar og bættrar líðanar.