Er hægt að leggja traust sitt á þetta?

Nú fækkar bönkum ekki neitt eftir hrunið þeim fjölgar ef eitthvað er.  Þeim fer allavega ekki fækkandi. Áður þandist þetta allt út, langt yfir landsframleiðslu. Svo kom hrunið en nú árið eftir erum við að sjá banka skipta um nafn, stækka og meiri umsvif. Það er ekki nema von að maður treysti þessu takmarkað. Eru menn núna almennilega að fylgjast með þannig að það verði ekki annað hrun?

Byr fjórði ríkisbankinn?

Gamli góði Villi

Takk fyrir það. Gamli góði Villi ætlar ekki að vera með í þetta sinnið og líklega aldrei aftur. Nema hann skipti um skoðun og ákveði að vera með eftir allt saman. Það breytir því ekki að Sjálfstæðisflokkurinn er búinn að vera í blússandi vandræðum síðan Davíð Oddsson fór ekki lengur til að bjóða sig fram fyrir flokkinn.

Hvort sem það er borgarstjórn eða landsmálin þá eru vandræðin ótvíræð hjá Sjálfstæðisflokknum við að finna sér góðan leiðtoga til þess að leiða flokkinn til sigurs.  Gamli góði Villi verður ekki þar. Sem er allt í lagi. Hans tími er liðinn. Var hann góður leiðtogi? Því verður ekki svarað hér. 

Ég spái því að fram muni koma sterkur leiðtogi fyrir Sjálfstæðisflokkinn, sem er mun sterkari en núverandi formaður flokksins. Sjáum bara til. Sá tími mun koma. 

Vilhjálmur ekki í prófkjör

Þá vitum við það

 Hitler er dauður. Alveg pottþétt að hann dó í neðanjarðarbyrginu. Til eru allavega æviminningar fólks sem var þarna og geta vottað um það. Traudl Junge heyrði skotið ríða af og talar um það í æviminningum sínum.  Síðan kom Heinz Linge að Hitler og konu hans eftir að þau höfðu svipt sig lífi og kvaðst í æviminningum sínum aldrei bíða þess bætur.  Sagan segir að Hitler hafi bæði skotið sig og bitið í blásýruhylki um leið til þess að það væri alveg pottþétt að hann væri í alvörunni að láta sér heppnast að drepa sig. Eva Braun lét sér duga að taka bara inn blásýru. 

En nú vitum við það. Jarðneskum leifum Hitlers var ekki skolað niður í ræsi einhversstaðar í Rússlandi. Hann fékk virðulegri meðferð en það.  Hvað það er nú ágætt að það skuli vera komið á hreint. Nú mun hópur nýnasista ábyggilega reyna að komast að því hvar við Elbu því síðasta af Hitler var kastað og vera þar með ræðuhöld og almennan gleðskap. 

Hitler lifir samt góðu lífi. Þ. e. a. s. í hugum manna. Um hann er talað í þvílíkum fjölda bóka að engu lagi er líkt. Sem er í sjálfu sér ekkert skrítið. Um leið og talað er um illsku og hreina mannvonsku þá er minnst á þennan mann. Allavega mjög oft.  Myndir af manninum birtast öðru hvoru í blöðum og tímaritum. Á netinu líka.  Heimildamyndir koma öðru hvoru og búnar eru til bíómyndir. Hvað ætli það séu margir sem hafi leikið þennan mann í sjónvarps- eða bíómyndum? Enn eiga einhverjir eftir að leika hann, það er alveg pottþétt.   

Ekki það að þessi maður trufli mig neitt þannig. Mér er alveg sama þótt smettið á honum verði á vegi mínum. Mér verður samt oft hugsað til þess hversu oft þessi maður birtist mér á ýmsa vegu eins og ég minntist á í dæmum hér að ofan, án þess að ég væri beinlínis að leita að honum. Ég á samt aldrei eftir að verða aðdáandi hans. 

Gömul vinkona mín sá einu sinni sjónvarpsmynd sem átti að gerast í Austurríki á ofanverðri 19. öld. Hún fjallaði um erfiða bernsku drengs nokkurs sem átti harðsvíraðan og strangan pabba. Svo var farið svo illa með drenginn og hann laminn og barinn og ég veit ekki kvað. Vinkona mín vorkenndi drengnum í hið óendanlega.  Alveg þangað til að kom í ljós að þetta var mynd um bernskuár Hitlers...  

Segja lík Hitlers að engu gert

Hvers vegna í ósköpunum?

 Hvers vegna fær Obama friðarverðlaun Nóbels? Ég er búinn að vera að leita á netinu eftir svari og finn það ekki.  

Staðan hingað til er svona: 

Það á að klára Íraksstríðið. Því er ekki lokið enn. Enginn veit hvenær því lýkur nákvæmlega. 

Þá á að klára stríðið í Afganistan. Sem stendur á að bæta við þúsundum hermanna þar. 

Það á að loka Guantanamo.  Gerist á næsta ári.  

Það er búið að banna pyntingar á hryðjuverkamönnum. 

Það er búið að finna einhverja leið til þess að Palestínumenn og Ísraelar semji. Óklárað ennþá. 

Kjarnorkulausan heim takk.  Meira en að segja það í sjálfu sér. Það er eitt að segja eitthvað um svoleiðis úr ræðustól, annað að sameina þjóðir um slíkt. Ef Obama tækist að búa til kjarnorkulausan heim þá yrði það því mun meira fagnaðarefni að hann fengi Nóbelinn. 

Svo vill Obama vera fremstur í flokki þeirra sem eru á móti loftslagsbreytingum. En viðræður ganga reyndar ekki vel í Kaupmannahöfn um þau mál einmitt núna. 

Með öðrum orðum þá er ekkert sérstakt að gerast hjá Obama sem gerir það að verkum að hann eigi að hljóta þessi friðarverðlaun.  Ef það er einhver sem veit svarið þá væri það fínt.

Mótmælaganga í Ósló

Mæli alveg með þessu!

Ég kíkti á þessu núna strax í nótt og er búinn að sækja öll þessi lög. Ég hélt fyrst að þetta væru lög af eigin vali en þetta er greinilega einn 50 laga pakki sem hægt er að hlaða niður í þjöppuðum zip pakka eða þá að það er hægt að sækja eitt og eitt lag eftir smekk.   Ég hlóð hinu fyrrnefnda niður en lendi þá í smávanda með það að lögin eru öll númeruð þannig að ég veit ekki hvað er hvað.   Endilega kíkið á þetta.   Takk fyrir mig.

Ókeypis tónlist í tilefni dagsins

Ekkert hissa á því!

Það er ekkert undarlegt við það að kona Tigers fari frá honum.  Svona geta menn hlaupið út undan sér. Fyrst heyrði ég af Tiger þar sem hann hafði keyrt á einhvern ljósastaur. Síðan kom frétt um það sést hefði til hans hrjótandi á grasflötinni fyrir utan húsið sitt.  Síðan kemur framhjáhald í ljós eitt á eftir öðru. Hvar endar þetta svo?

Nú spyr ég.  Geta einhver lyf komið því svo fyrir hjá manni að úr verði eitthvert kynferðislegt ójafnvægi þannig að maður hætti að verða öðrum trúr?  Úr verði bara kynferðislegt æði og vitleysa? Aldrei heyrt um svona ójafnvægi fyrr.  Er þetta ekki bara einhver þvæla, bull, della?

Man eftir því að ég sá einu sinni mynd með John Travolta þar sem hann var staddur sem gestur í æðislega flottum kofa uppí fjöllum með arineldi og flottheitum auk þess sem þess ofboðslega fallega gella var að reyna við hann á fullu. Margur hefði fallið fyrir aðstæðum og sjarma en nei, vinur sér þetta bara ekki og fer öðru hvoru í símann til að reyna að ná sambandi við konuna sína.  Viðreynslan varð alveg rosalega mikil en nei dugði ekki til.  Travolta var bara æðislegur eins og hann var þarna. Fullkomlega trúr sinni eiginkonu.  Náttúrulega bara bíó en svona eiga menn að vera samt.  

Það er ekkert varið í Tiger Woods með allt þetta framhjáhald sitt. Flottur á golfvellinum en svona kynhegðun er alls ekki spennandi og allar konur ættu að láta sig hverfa frá svona manni, hvað svo sem hann heitir. Það er allavega mín skoðun. 

 

Eiginkonan farin frá Tiger

Frægur eða heimsfrægur

Það getur ekki verið spennandi að vera ofurfrægur eins og Tom Cruise eða Brangelina.  Gaman er að vera þekktur og virtur en að vera ofurfrægur og lagður svo að segja í einelti af blaðamönnum og ljósmyndurum hlýtur að vera gjörsamlega óþolandi.  Paparazzi-ljósmyndarar leggjast lágt til að ná lærleggjamyndum og innundir líka. Þess vegna er kannski skiljanlegt að sumir fái skapofsaköst yfir slíku.  Sem betur fer ekki öll frægð manna þannig.  Þessi leikarahjón eru nógu ófræg til þess að fá að vera í friði á kaffihúsum, en samt nógu fræg til þess að við fengum að vita af ófrægðinni að þau fengu að vera í friði fyrir blaðamönnum og ljósmyndurum.  Vá maður. 

Til er eftirsóknarverð frægð eða það að vera þekktur og virtur fyrir eitthvað án þess að hafa ljósmyndara á eftir sér. Ágætt að vera frægur á þessum bás. Allir frægir Íslendingar eru hér nema kannski Björk sem er fyrir löngu orðin miklu frægari en allir aðrir Íslendingar. 

Svo er það heimsfrægðin sem er þess leg að það þekkja mann gjörsamlega allir í heiminum sem á annað borð kunna að lesa blöð eða horfa á sjónvarp. Það getur ekki verið spennandi að fá hvergi að vera í friði, þurfa stanslaust að passa upp á gluggana, hvort sjáist inn, draga fyrir, passa sig síðan þegar farið er út, ef sést í bert hold einhversstaðar eða skvap þá er það strax komið í eitthvert æsifréttablað og milljónir manna að velta sér upp úr skvapfréttunum. 

Til er síðan hin óeftirsóknarverð frægð. Eins og William Hunk sem sló í gegn fyrir nokkrum árum fyrir lélegan söng eða allir leikararnir í Jackass þáttunum.  Eða hitt að verða skyndilega þekktur fyrir brask, sukk og svínarí, fals og svik.  Ekki spennandi frægð það. 

Það er líka fínt að vera ekkert frægur. Þá er hægt að vera alveg laus alla svona auka athygli sem fylgir því að vera frægur. Er ekki annars bara best að reyna aldrei við neina frægð og leita bara hamingjunnar þess í stað? 

Hélt að hún væri rosalega fræg

Tvær hliðar á hverju máli

Það eru iðulega tvær hliðar á hverju máli og jafnvel fleiri í mörgum tilfella. Hér í þessari frétt höfum við eina hlið máls. Samt kemur hópur af fólki og fer samstundis að hneykslast á Jónasi Freydal án þess að hafa heyrt nákvæmlega hans hlið máls. Þegar báðar hliðar máls eru komnar fram þá fyrst er raunverulega hægt að fjalla af alvöru um þessar draugagöngur og hneykslast yfir staðreyndum.

Það eru eftir sem áður vissar staðreyndir sem ekki er hægt að neita. Það eru farnar ferðir í kirkjugarðinn við Suðurgötu og það er verið að segja einhverjar sögur þar. 19.000 manns hafa farið í slíkar göngur það sem af er ári.  Einhverjum hefur fundist þessi þjónusta spennandi. Ekki það að ég hafi hug á því að verja þessar göngur. Síður en svo. Aldrei fór ég og mun aldrei fara í svona göngutúra. Mín skoðun er sú að það eigi ekki að fara í kirkjugarð nema til þess að vitja leiðis og votta virðingu. 

Falsaðar sögur af látnum ekki líðandi

Athyglisvert - eina mynd í viðbót!

 

Skemmtilegur leikari Jim Carrey.  Það vantar eiginlega að sjá mynd af dóttir hans með honum.  Datt í hug að bæta aðeins úr því.  Hún er býsna sæt dóttirin.  

 

 

Jim Carrey að verða afi

Örfá orð um þennan söfnuð og tilgangslítið tiltæki

Það er eitt sérstakt við Fíladelfíusöfnuðinn núna. Hann hefur breyst mikið síðan Einar J. Gíslason flutti eldprédikanir sínar. Þá þótti húsið stórt og nóg pláss fyrir safnaðarmeðlimi. Fyrir 20 árum síðan var hægt að halda sameiginlegar samkomur allra frjálsra trúfélaga í þessu húsi og gekk það vel. Í dag er það ekki hægt. Fíladelfíumenn eru orðnir það margir að húsið telst svotil of lítið fyrir samkomuhald og því þörf á stærri byggingu.  Gott og vel.

Ef maður ætlar að sækja samkomu þarna þá verður maður að mæta snemma. Helst hálftíma fyrr, ellegar standa.    Ekki finnst mér líklegt að nokkur standi á jólatónleikum safnaðarins og uppsetningin verður án efa flott hjá þeim.  Þá verða safnaðarmeðlimir auk þess líklegir til þess að vilja mæta snemma og raða sér sjálfir á bekkina með löngum fyrirvara. Kossarnir yrðu þá ekki nema e.t.v. á aftasta bekk og myndavélar eru ekki að grípa neitt þar. Yfirhöfuð þá er það sýn mín þegar ég hef verið að horfa á þessa tónleika í sjónvarpi að salurinn sé myrkvaður og fókusinn sé á sviðið. 

Ef þú ætlar á venjulega samkomu þarna þá getur allt eins verið líklegt að þú komist varla inn sökum plássleysis! Nema þú viljir standa eins og áður sagði.  Söfnuðurinn hefur fyrir löngu yfirfyllst sökum mikillar fjölgunar kirkjumeðlima og húsakostur er orðinn þröngur enda hefur mikil trúarleg vakning orðið þarna á undanförnum árum. Ef samkynhneigðir vilja mæta þarna þá er þeim það ábyggilega velkomið en þá þurfa þeir að vera brögðóttir um sæti. Fíladelfíumenn eru sjálfir alveg ferlega brögðóttir um slíkt og auðvelt fyrir utansafnaðarmann að komast ekki lengur inn þar sem húsið er allt e.t.v. mest megnis með frátekin sæti og færri komast að en vilja. 

Þessi kór er þrælvanur að koma fram. Þó svo að einhverjir fari að kyssast þarna þá er ég efins um að það hafi áhrif á kórinn sem er á fullu við að vanda sig, vel æfður, með flóðljósin á sér og myrkvaðan sal.

Ég efast um þetta kossatiltæki að það skili nokkrum árangri. Gangi ykkur öllum vel samt kæru vinir.

Samkynhneigðir kyssast í Fíladelfíu