Til hamingju með frábæran flutning Friðrik og Regína.

Eurobandið var mjög flott á sviðinu og það var greinilegt að þau nutu þess í botn að vera þarna. Lagið er taktfast og flott. Þess vegna var það eitthvað svo skrítið að horfa á atkvæðagreiðsluna og sjá Röðul rugludall frá Spáni vera með fleiri stig eða alveg þangað til Danirnir komu og gáfu okkur 12 stig. Lag Spánar er mun nær gríni heldur en alvöru og alls ekki eins taktfast og vel sungið og hið íslenska.  Athyglisvert að bæði Frakkar og Þjóðverjar skuli syngja á ensku, eins og þessar þjóðir eru stoltar af tungumálinu sínu. Hvað er síðan orðið af Ítalíu í tengslum við þessa keppni? Eitthvað fer lítið fyrir þeim þessi árin. 

Að hugsa sér hvað löndum hefur fjölgað í þessari keppni. Við erum komin alveg að Kaspíahafi hvað varðar fjarlægðir. Hvenær skyldi Kazaksstan koma og taka þátt? eða Sýrland? Það land er bara rétt fyrir ofan Ísrael og við landamæri Tyrklands.

 

Íslenska lagið átti betra skilið

Athugasemdir

[Gunnhildur Ólafsdóttir, 25.5.2008 kl. 23:26]

Já miðað við hvað það var óvenjulegt að Azerbaijan tók þátt núna þá eiga fleiri lönd eftir að bætast við - annars finnst mér líka skrýtið að Ítalir séu ekki með.

[Janus, 26.5.2008 kl. 20:14]

Alveg sammála þér, Friðrik og Regína stóðu sig frábærlega. 

Ítalir fóru í fýlu fyrir einhverjum árum eftir að hafa sent einhvern ægilega frægan söngvara sem átti að þeirra áliti að vinna keppnina en varð mjög neðarlega í röðinni.....endilega leiðréttið mig ef ég fer með rangt mál.

Mér finnst þetta júró æði svo hrikalega skemmtilegt að ég vona að við látum ekki landafræði skemma þessa skemmtuna fyrir okkur :)